स्वप्न ३३

स्वप्न ३३

दिवसभर ही स्वप्ने
तुझ्या आठवणींमध्ये
भिजत राहतात...
ओलीचिंब होतात...
संध्याकाळ उलटून गेली की,
थरथरत्या अंगानिशी घरी येतात..
मी झोपलोय हे पाहून
मला पेटवतात
आणि
माझी शेकोटी बनवून
रात्रभर जागी राहतात....
.....
सकाळ होईपर्यंत ही
स्वप्ने वाळतात...
कोरडी ठणठणीत होतात...
आणि इकडे माझी राख झालेली असते..
..
....
तरीसुध्दा
रोज
या राखेतून
फ़िनिक्स पक्षासारखा
नवा जन्म घेतो मी....
कारण
तुझ्या स्वप्नांना
रोज रात्री
एक हक्काची शेकोटी हवीच....
नाही का?

-अजय