आभाळ सांजवेळी
पक्षी टिपून गेला..
खिडकीत दोन डोळे,
वारा पुसून गेला.........
मिटल्या हळूच होत्या,
जखमा मनात माझ्या...
उरल्या खुणांवरी का,
सांडून गंध गेला.........
भिजले तळ्यात होते,
आभाळ चांदण्यांचे......
भिजल्या मनास माझ्या,
निजवुनि चंद्र गेला.........
पाळून मौन फ़िरतो,
रानात हा अबोला........
माझ्या मुक्या स्वरांचे,
होऊनि गीत गेला..........
वाटेत सांडलेले,
ओले धुके कुणाचे........
मज वाटते असे का,
तुझाच स्पर्श झाला........
पाऊस ना कळे तो,
आला कुठून होता.....
हळ्व्या तुझ्या मनाचे,
काढून चित्र गेला...........
आभाळ सांजवेळी
पक्षी टिपून गेला...................
Subscribe to:
Post Comments (Atom)
No comments:
Post a Comment