भाव बंधातुनि वाहतो......
वळणावर तव तुझ्याचसाठी आर्त मी थांबतो!!!!!!
भास तुझे मज होती क्षणभर......
क्षणांवरी मग हसतो क्षणभर......
सांज ढळता ढळतो मीही....
तुझ्याविना न उरतो मीही...
मीच मला शोधतो.....
भाव बंधातुनि वाहतो!!!!!!!!!!!!!!!!
गीत तुझे घेउनि ओठी...
मनात हळवी सागर भरती..
भरतीचा परि चंद्र दिसेना...
काळोख अवघा काही दिसेना...
अल्लद हळवे सुर बुडाले....
वादळ वेडे शीड बुडाले...
लहरींवर त्या विरघळलेले गीत तुझे शोधतो..
भाव बंधातुनि वाहतो!!!!!!!!!!!
सर सर श्रावण बरसत येतो..
थेंब उन्हाचे मजला देतो..
दुख मनाचे चमकुन जाते,
वीज होउनि नभात हसते..
अंगण ओले...... कुंपण ओले......
खिडकीवर अन मनही ओले...
ओल्या मातीतुनि उगा मग गंध तुझा दरवळतो.
भाव बंधातुनि वाहतो!!!!!!!!!!!!!!
No comments:
Post a Comment