तू म्हणशील आता, शब्द शब्द
ठेवीन तुझे मी, जपून जपून...
तू म्हणशील आता, जाता जाता
बोलायचं होतं... बरच अजून........
तू म्हणशील हल्ली गार वारा,
स्पर्श तुझाच जातो देऊन.......
तू म्हणशील आता, रात्र रात्र
तुझीच स्वप्नं येते घेऊन.......
तू म्हणशील,.. आतासुध्दा रात्र होतेच...
चंद्र येतोच.... चांदण्या घेऊन......
पण.. बघता बघता डोळ्यात आभाळ...
उतरत जातं... अन येतं भरून.......
तू म्हणशील आता अर्थ अर्थ
शब्दांविनाच येतात कळून.....
तू म्हणशील, वेड्या, मौनसुध्दा
कित्ती बोलकं असतं !... हसून........
तू म्हणशील आता, पाऊस पाऊस
तुझीच गाणी येतो घेऊन.....
रिमझिम रिमझिम आठवण आणि
मन जातं चिंब भिजून...............
तू म्हणशील आता, जाता जाता....
बोलायच होतं.....बरच अजून.........
Subscribe to:
Post Comments (Atom)
No comments:
Post a Comment